ജനുവരിയിലെ വിശേഷങ്ങൾ

 01--01--2016

പുതു വർഷ പുലരിയിൽ 
നെയ്തൊരു സ്വപ്നങ്ങളെല്ലാം
കോടിയായി അണിഞ്ഞീടുവാൻ
അതിയായി മോഹിച്ചു .....



04-01-2016

ഈ പാതിരാവിൽ ഈ പൂനിലാവിൽ, 
വാർമുകിൽ ദൂരെ മറഞ്ഞു പോയ്‌;
പുതു മഞ്ഞിൻ കുളിർമയിൽ ;
ഉറങ്ങും പറവകൾക്ക് താരാട്ടുമായ്
ഇളം തെന്നൽ വീശി കടന്നു പോകവേ; 
വാനിൽ താരകവ്യൂഹം നടനമാടി;
വിരിയാൻ വെമ്പും പൂമൊട്ടുകളെല്ലാം ;
താളത്തിനൊത്ത് തുള്ളി കളിച്ചു ;
ഇലഞ്ഞി പൂമണം പാരാകെ നിറഞ്ഞു;
എല്ലാം മറന്നതിൽ ഒരംഗമായ്;
ഞാനും കൂടി, നേരം പുലരുവോളം !!





           
                     05-01-2015




മനം നിറയെ കാണാനും,
കണ്ടതെല്ലാം മോഹിക്കാനും;
മോഹങ്ങൾ പൂക്കാതെ, 
കാലങ്ങൾ കൊഴിയും നേരം, 
കണ്ണ് പൊത്തി നടക്കാനും;
ഒളി കണ്ണിട്ടു നോക്കാനും, 
തക്കം പാർത്തിരിക്കാനും; 
രക്ഷയില്ലെന്നു കണ്ടാൽ,
കണ്ടില്ലെന്നു നടിക്കാനും;
മോഹങ്ങൾ പൂവണിയാൻ,
വീണ്ടുമൊന്നു ശ്രമിക്കാനും;
വിജയം വരെ പൊരുതാനും,
വീര വാദം മുഴക്കാനും,
ലക്ഷ്യത്തിൽ എത്താനും,
മംഗളങ്ങൾ നേരുന്നൂ !!



                                                  06-01-2016

                             

ഒരമ്മയുടെ വിലാപം.....
കണ്ണിൽ എണ്ണ യൊഴിച്ചു
കാവലിരുന്നതും
മാമൂട്ടിയതും
കഥ പറഞ്ഞതും
തോളിൽ എറ്റിയതും
സ്നേഹിച്ചതും
തലോലിച്ചതും
പരിലാളിച്ചതും
പന്തലിച്ചപ്പോൾ
കറിവേപ്പില. ആക്കിയതും
നന്മയോ .....
കടമയോ......


08----01--2016



മുറിവേറ്റ ഹൃദയത്തിൽ ,
മുളകെരിയും നീറ്റലുമായി;
കനലിന്റെ വേവുമായി ;
ഗതി കിട്ടാ പ്രേതം പോൽ ,
അലയുന്ന നേരം ;
തൂ മഞ്ഞിൻ തണുപ്പുമായി ;
ഇളം തെന്നലിൻ കുളിർമയുമായ്; 
ഞാൻ പോലുമറിയാതെ ,
സ്നേഹത്തിൻ തലോടലുമായ്;
കനിവാർന്ന വാക്കുകളുമായി;
അദ്രിശ്യമായി വന്നെൻ ;
ഉള്ളം തണുപ്പിച്ചതാരോ
വന്ദനം ......
നന്ദി .........

09-01-2016

നട്ടുച്ച നേരത്ത്, പൊള്ളുന്ന വേനലിൽ പൊരിയുന്ന ദേഹവും; എരിയുന്ന വയറുമായി; ടാറിട്ട റോഡിൽ യാചിക്കും ബാലന്റെ, ദയനീയ നോട്ടത്തിൽ ; അലിയുന്ന മനസ്സിനെ ഉരുകുന്ന ഹൃദയത്തെ അവനെങ്ങും കണ്ടില്ല, കണ്ടാലും കണ്ടില്ലെന്നു നടിക്കുമീ യാത്രികർ ; അലിവോടെ നോക്കുവാൻ കനിവോടെ കനിയുവാൻ; ഓരിറ്റു ദയക്കായി കേഴുന്നിവൻ; എന്തൊരു വിധിയിത് ഇവൻ ചെയ്ത തെറ്റെന്ത് ഈ സങ്കടം കേൾക്കാൻ ആരുണ്ട് ? 11-1--2016 ഇന്ന് ഞാൻ ഏകനാണ് , ഈ ആൽതറ എനിക്ക് അഭയം ; എൻ തണലായ്‌ ഓർമ്മകൾ മാത്രം; എനിക്കില്ല ഇനി ആശകളും  സ്വപ്നങ്ങളും; നാല്പതു വർഷം തണലായ്‌ താങ്ങായ്  ചിരിച്ചും കളിച്ചും കലഹിച്ചും, തട്ടിയും മുട്ടിയും പൊട്ടിയും, കൊണ്ടും കൊടുത്തും താലോലിച്ചും; സ്വപ്‌നങ്ങൾ നെയ്തും പടവുകൾ കയറിയും ; ഇരു മെയ്യും ഒരു മനമായ്‌ കാലങ്ങൾ ചിലവഴിച്ചു ; എന്നും എൻ ചാരത് കാണുമെന്നു വ്യമോഹിപിച്ചു; ഏകാന്തത എന്തെന്നു ഇന്ന് ഞാൻ അറിയുന്നു ; ആൾകൂട്ടത്തിൽ തനിയെ എന്നെയാക്കി; എവിടെ പോയി നീ മറഞ്ഞു.... ഇനി എത്ര നാൾ, എത്ര നാൾ ..... 12-1-2016 ആതുര സേവനം മഹത്തായ കർമം; ചുണ്ടിൽ പുഞ്ചിരിയും; അലിവുള്ള ഹൃദയവും; കൈ പുണ്യവു മായ്; ഇവർ നല്കും നിസ്വാർത്ഥ സേവനവും; ജീവ കാരുണ്യ പ്രവർത്തിയും; ഊണുമില്ലാതെ ഉറക്കമില്ലാതെ; കണ്ണീർ ഒപ്പിയും വേദന മാറ്റിയും; കദന കഥകൾ കേട്ടും; അമ്മയായും മകളായും; സ്നേഹത്താൽ സാന്ത്വനിപ്പിച്ചും; ദിനങ്ങൾ ചിലവിടുന്ന ഇവർക്ക്‌; പകരം ലഭിക്കുന്നതോ ; ശകാര വർഷവും; പരിഹാസ ശരങ്ങളും; ഇത് ന്യായമാണോ... ഇത് നീതിയാണോ... ഇവരുടെ പരിമിതികൾ മനസിലാക്കാൻ; ഇവരെ അഭിനന്ദിക്കാൻ; വാക്കുകൾക്ക്‌ എന്തേ ദാരിദ്ര്യം?? 16-1-2016 ഈ പ്രഭാതത്തിൽ പൊൻ തിളക്കവുമായ്  മനം നിറയെ ആശകൾ വാരി വിതറി; പ്രത്യാശയോടെ വീക്ഷിക്കും നിൻ ആശീർവാദം തൊഴുകയ്യോടെ  ഏറ്റുവാങ്ങി ഞങ്ങൾ കർത്തവ്യത്തിൽ  വ്യാപ്രതരാവട്ടെ !! 17-1-2016 സായം സന്ധ്യയിൽ, പടിഞ്ഞാറെ ദിക്കിൽ;  പകലിന്റെ ആയുസ്സുമായ് പകലോൻ  കടലിൻ പടി ഇറങ്ങും നേരം; എന്നെ അലട്ടും ഓർമകളെല്ലാം ഭാണ്ഡങ്ങള്ലാക്കി കൂടെ അനുഗമിക്കുകയായ്; നാളെ പതിവായ് കിഴക്കുദിക്കും നേരം  ഇന്നലെയെന്നത് മറവു ചെയ്ത്,  പുതിയൊരു ജന്മമായ്; പുതു പുത്തൻ പ്രതീക്ഷകളുമായ്; അല്ലലില്ലാതെ അഴലുകളില്ലാതെ ഉയിർത്തെഴുനെല്ക്കുവാൻ കഴിഞ്ഞിരുന്നുവെങ്കിൽ !! 19-1-2016 കാലം പോകവേ പഴുത്ത ഇല, പച്ച ഇലക്കു വഴി മാറി കൊടുക്കുക;  ഇതായിരുന്നു ഇന്നത്തെ ചിന്താവിഷയം.  പ്രതിഷേധിക്കാൻ ന്യായങ്ങൾ പലതും നിരത്തി. വിവേകവുമില്ല വിവേചനവുമില്ല;  വാക്കുകൾക്കും പ്രവർത്തിക്കും സഭ്യതയില്ല; എല്ലാം 'ന്യൂ ജെനറേഷൻ' ആയി;  അലച്ചിലുമില്ല അദ്ധ്വാനവുമില്ല; കാര്യങ്ങളെല്ലാം 'ഓൺ ലൈൻ' ആയി; ശരീരം ഒട്ടൊന്ന് അനങ്ങാറേയില്ല; രോഗങ്ങൾ കൊണ്ടൊരു കൂമ്പാരമായി; സഹിക്കാനൊട്ടു കഴിവില്ലാതായി ; ദേഷ്യം മൂക്കിൻ തുമ്പത്തായി; വെട്ടൊന്ന് മുറി രണ്ടായി , കത്തികുത്തും വാക്കേറ്റവും,, പിടിച്ചുപറിയും പീഡനവും കേൾക്കാനായി ഇതല്ലാതെ വേറൊന്നുമില്ല, 'ആദ്യം കയ്ക്കും പിന്നെ മധുരിക്കും' എന്നത് കേൾക്കാൻ സമയമില്ല; ആരാണിതിനു ഉത്തരവാദി? എന്താണിതിനൊരു തീരുമാനം? വീഴാതെ വഴി മാറി കൊടുക്കണോ; കൊഴിയും വരെ വാഴണോ !! 22-1-2016 മഴക്കാറുകൾ പാഞ്ഞു വരുന്നതും ; ഭൂഗോളം മൊത്തവും ഇരുട്ട് മൂടുന്നതും;  കടലുകൾ ആർത്തിരമ്പുന്നതും;  പേമാരി കോരി ചൊരിയുന്നതും; കൊടുംകാറ്റു വീശി പിഴുതെറിയുന്നതും;  വൃക്ഷങ്ങൾ പോലും വേരോടെ വീഴുന്നതും;  രണ്ടുനാൾ കഴിഞ്ഞു സ്വപ്നമാകുന്നതും;  ഒക്കെയും കണ്ടില്ലെന്നു നടിച്ചു ; ഒഴിഞ്ഞു മാറുന്നത് അറിഞ്ഞില്ലെന്ന ഭാവേന; പിന്നെയും പിന്നെയും ഇണക്കം ഭാവിച്ചു; വേരറ്റു വീഴാൻ അനുവദിക്കാതെ; വേദനകളൊക്കെയും ഉള്ളിൽ ഒതുക്കി; സുഖവും ദുഖവും കൂടി കുഴയുന്നതും പിന്നെയും ജീവിതം പഴയപോലാകുന്നതും; എന്നും മനസിലിട്ട്‌ താലോലിച്ച്; ചുണ്ടിൽ സ്നേഹത്തിൻ പുഞ്ചിരിയുമായ്; നല്ലൊരു നാളെ എന്ന സ്വപ്നവുമായ് ; ഇന്നിനെ വിട ചൊല്ലുന്നു ..... 23-1-2016 മകരമാസ പുലരിയിൽ; നനുനനുത്ത മഞ്ഞിൽ; കുളിർ കുളിർത്ത കാറ്റിൽ; ഞായറാഴ്ച്ചയുടെ അവധിയിൽ; വ്യാധിയും വ്യാകുലതയും,  വിദ്വേഷവും അകറ്റി നിർത്തി പുത് പുത്തൻ പുതപ്പിനുള്ളിൽ;  സ്വപ്നം കാണും നിങ്ങള്ക്ക്; സുന്ദര സന്തോഷമായ ഒരു- ശുഭദിനം 24-1-2016 ജീവിക്കാനുള്ള തത്രപാടിൽ; നെട്ടോട്ടം ഓടുന്ന തിരക്കിൽ; ഒന്നാനന്ദിക്കാൻ സമയമില്ലാതെ, സ്വന്തം സുഖം നോക്കാതെ,  ആഹാര പാനീയങ്ങൾ ഉപേക്ഷിച്ച്; ഉറ്റവരെയും ഉടയവരെയും കാണാതെ; കൂട്ടുകാരുമായി കൂടാതെ; രാവെന്നോ പകലെന്നോ ഇല്ലാതെ; രണ്ടറ്റം കൂട്ടികെട്ടാൻ പരക്കം പായും; ഈ ജീവിതം എന്തിനു വേണ്ടി? ജരാനരകൾ ബാധിക്കുമ്പോൾ; ഓർമ്മകൾ കാറ്റിലലയുമ്പോൾ; താങ്ങും തണലും ക്ഷയിക്കുമ്പോൾ; ഒറ്റയാനായ് മാറുമ്പോൾ; എന്ത് നേടി എന്ന ചോദ്യവുമായ് വിഷണ്ണനായ് അലയുന്നു !! 25-1-2016 പുതിയൊരു ദിനത്തിൽ;  പുതിയൊരു ഭാവത്തിൽ; മഹത്തര ചിന്തകളും കണ്ണുകൾക്ക്‌ തിളക്കവും, കാതുകൾക്ക്‌ കുളിർമയും, മനസ്സിന് ആനന്ദവും, ഹൃദയത്തിനു ധൈര്യവും,  ശരീരത്തിന് ഉന്മേഷവും, കൈകൾക്ക് കരുത്തും, കാലുകൾക്ക് വേഗതയും, കർമങ്ങളിൽ ജയവും, സ്വപ്ന സാക്ഷാത്ക്കാരവും, പ്രദാനം ചെയ്യുന്ന ഒരു സുപ്രധാന ദിനം ഏവർക്കും ആശംസിക്കുന്നു !! 26-1-2016 പിഞ്ചു പൈതലിൻ പുഞ്ചിരി പോൽ; ശോഭയോടെ തിളങ്ങും ഈ സുദിനം;  മേഘകീറുകൾ പിണങ്ങിയ വേളയിൽ;  സൌഹൃദ സന്ദേശ വ്യോമം രചിയ്ക്കവേ;  ജനാധിപത്യം ആഘോഷിക്കും ; ഇന്നത്തെ പ്രഭാതത്തിനു എന്ത് ഭംഗി!! മതാധിപത്യവും , ധനാതിപത്യവും,  ഇല്ലാത്ത ഒരു നാളെയെ കണികണ്ടുണരാൻ, ഒരേ ലക്ഷ്യവും ഒരേ വികാരവുമായി; സഹകരണത്തോടെ ഉത്സുകതയോടെ; സംഘടിതരായി പ്രവര്‍ത്തിക്കുവാൻ; നാമേവർക്കും കഴിയുമാറാകട്ടെ; എന്നൊരു പ്രാർത്ഥനയുമായി - ശുഭദിനം !!! 27-1-2016 അതി വിശാലമായ ഭുവനത്തിൽ,  കതിരോൻ കാവൽ നില്കും പാടങ്ങൾ; ഉത്സാഹത്തോടെ ഉഴുതു മറിച്ചു; വാത്സല്യതിൻ വിത്തുകൾ വിതച്ചു; നന്മകളെല്ലാം മുളച്ചു പൊങ്ങി;  തിന്മകളെല്ലാം പതിരായി,  തോടുകൾ തടമാക്കി വെള്ളമേകി; സ്നേഹത്തിൻ കതിരുകൾ തിളങ്ങി വിളങ്ങി; ഇടതോറും നിത്യേന കളയെടുത്തു; ക്രൂര മൃഗങ്ങൾ ചവിട്ടി മെതിക്കാതെ; രാപകലില്ലാതെ കാവൽ നിന്നു സന്തോഷത്തിൻ വളമിട്ടു, സമാധാനത്തിൻ പൂക്കൾ പുഞ്ചിരിച്ചു; പരിമളമാകെ കാറ്റിൽ പടർന്നു; ശലഭങ്ങൾ പ്രസരിപോടെ പാറി നടന്നു; ഇത് മനോഹരമായ സ്വപ്നമാണ്; യാഥാർത്ഥ്യം വളരെ ദൂരെയാണ്; ലക്‌ഷ്യം മാർഗത്തെ സാധൂകരിക്കും പൊന്നു വിളയും കാലം വരും !! 29-1-2016 തെരുവിന്റെ മക്കളായി പിറന്നോർ ഞങ്ങൾ;  തെരുവിൽ അലയാൻ വിധിച്ചോർ ഞങ്ങൾ;  യാചന ഞങ്ങളുടെ തൊഴിലായി;  ശാപങ്ങൾ ഞങ്ങൾക്ക് ശീലമായ്; ചീഞ്ഞു നാറുന്നൊരു കുപ്പക്കരുകിൽ; കടിച്ചു കീറും നായ്കൾക്കിടയിൽ, വേവുന്ന വയറിന്റെ തീയൊന്നു ശമിപ്പിക്കാൻ,  ആഹാര പദാർത്ഥങ്ങൾ തിരയും ഞങ്ങൾ; ഒരു നേരത്തെ ഭക്ഷണത്തിനായ് കൈ നീട്ടും നേരം; കണ്ടില്ലെന്നു നടിക്കും മാളികയിൽ വസ്സിക്കുന്നോർ; അനാഥർ എന്ന് മുദ്ര കുത്തും ഞങ്ങളെ ; കടിക്കും പട്ടിയെ പോൽ ആട്ടി പായിക്കും; ചതിയും വഞ്ചനയും അലട്ടുമ്പോൾ; ചെയ്ത പാപങ്ങൾക്ക് മോചനം ലഭിക്കാൻ; അമ്പലത്തിലും പള്ളിയിലും നേർച്ചയായി; പാവങ്ങൾക്ക് കഞ്ഞി വീഴ്ത്തും നേരം ; വെപ്രാളത്തോടെ വരി വരിയായി ഇരിക്കും; ആക്ക്രാന്തത്തോടെ വാരി വിഴുങ്ങും; പാവങ്ങൾ ഞങ്ങൾ വെറും പാവകൾ മാത്രം; ഈ ഉലകത്തിലെ വെറും നോക്കുകുത്തികൾ ; ഞങ്ങൾ ചെയ്തൊരു പാപമെന്തേ? ഞങ്ങള്ക്കെന്തേ ഈ ഗതി വന്നു......!!